玩具車

「車仔」

相信好多男仔細個嘅時候都會擁有過玩具車,當然大家唔會只係得一架咁大把啦。玩具車通常都係細細架,大約七八厘米長左右。而價錢方面當然有平同有貴,分別在於架車仔嘅像真度,油漆嘅質量,等等。不過每架玩具車都應該會有同樣嘅特徵,包括甩油,窗門爆裂,啲轆無咗或者爛咗,等等。就係因為嚟啲咁嘅戰績,往往就會令到架車變成獨一無二!

「價錢」

而家啲小朋友真係好幸福,因為啲新嘅玩具車真係好靚兼且可以好貴。以前自己玩嗰啲玩具車同依家相比真係小兒科,記得通常會玩到架車仔甩頭甩骨。當然隔咗咁多年,好多都唔見晒。不過依家有時都會買番啲車仔俾自己個仔,而相信大部份嘅人都會買某隻日本牌子嘅車仔,因為除咗啲款式好多同好靚之外,有啲直頭同其他卡通品牌合作,推出一係列嘅款式。只不過一架咁嘅車仔但係就已經講緊五十蚊以上。

「多美」

老實講嗰個日本牌子啲車仔真係好靚,而好多人都有收集嗰個牌子嘅車仔。如果要買晒嘅話都只係分分鐘要個萬蚊。不過講款式同講質量真係無得同以前嘅車仔比較。最大分別都係啲油漆,因為有時郭大少都有掉啲車,但係除非真係好大力,如果唔係都唔會甩油。試過買其它牌子,但係玩咗陣之後就連個轆到爛咗,推都推唔到。所以到最後都係買返嗰隻日本牌子,最起碼點樣掉都唔會爛咁易爛先!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]