自己揀

「訪問」

當然自己唔係第一次做訪問,而大部份嘅訪問都係雜誌為主,當中其實仲有一啲甚至乎係做完訪問之後從來無出街!一般搵我都係講有關數據分析相關嘅嘢,而琴晚就真係第一次做網上直播嘅訪問,感覺真係幾新鮮。所以真係好多謝嚟位朋友搵我!因為之前一個網台嘅節目而認識嚟位朋友,之後佢亦都邀請過我去幫手做網上電台嘅主持。但係自己知道當時無時間去做好件事,所以就好無奈地咁推咗佢嘅邀請。

「直播」

好多人就算認識我都好,其實佢哋都只係知道我做數據分析,其實有好多嘢佢哋係唔知道。而琴晚去咗做一個網上直播嘅節目做訪問,個節目叫做「路係自己揀」。講真今次真係第一次公開分享自己咁多年嚟嘅人生經歷!雖然唔係啲乜嘢,但係真係勾起咗好多開心同唔開心嘅嘢。人生就係咁,總有起起跌跌,碰碰撞撞。路係自己揀嘅,所以無論點都好,都要繼續行落去!

「選擇」

做完訪問之後,自己當然想睇吓自己有無講錯嘢。雖然自己睇返都覺得好好笑,因為見到自己都幾多小動作,幾乎以為特朗普上身。不過慶幸嘅係,當自己老咗嘅時候,再睇返今次嘅訪問嘅話,我相信自己都會覺得好笑。唔知道如果郭大少睇完之後會點呢?慶幸自己可以選擇自己嘅路,慶幸自己有咁嘅機會俾人訪問。好多謝嚟位朋友嘅邀請,幫我人身做咗少少嘅紀錄!感謝感謝!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]