麥明詩


個人分享
Tagged With: , , , , , , , , ,

「港姐」

好多人都應該會記得嚟位十優港姐,除咗佢嘅言論之外,講真一個公眾人物要敢言係一件幾難嘅事。由當日被人發現佢係社交媒體到上載一張身處當時雨傘運動金鐘佔領區嘅照片,並寫上「天下無不傘之筵席」嘅時候,大家都希望佢唔會因為港姐冠軍嘅身份而唔再企出嚟發聲!當然叫不負眾望,係好多唔同嘅事件上都有唔同嘅表態,包括最近嘅「七警案」!不愧係一個法律系畢業嘅港姐!

「言論」

當然近日麥明詩多次回應七警案嘅判決而再一次掀起網民嘅討論。一如以往有支持嘅亦有批評嘅人。當然佢可以選擇毫不關心時事議題,就算發表咗言論之後亦都可以唔理嗰啲留言,只不過佢選擇去回應。身為一個法律系畢業嘅人,相信法治精神係必然嘅事,而香港社會係建基於法治,但係好多人唔知點解仲未明白。有時真係同嗰啲人講多哂氣,只不過佢每次嘅回覆都非常精彩,真係可以話秒殺對手!

「慶幸」

其實最令我括目相看嘅係,一個知書識禮,一個十優狀元,一個劍橋法律系嘅畢業生,一個香港小姐,依然唔會因為自己嘅身份而選擇唔去發表自己嘅睇法。嚟樣嘢係值得好多人去學習!因為就算有同樣條件嘅人都未必會關心社會。所以教育係好緊要,如果我哋嘅下一代喺是非不分,黑白顛倒嘅話,我哋嘅社會會變成點?真係慶幸麥明詩唔知係一個典型香港填鴨式孕育出嚟嘅下一代!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]