曾蔭權

「罪成」

上個星期前特首曾蔭權被控公職人員行為失當罪成,當然好多人都會話抵佢死!無可否認佢係有罪,但係佢最起碼唔係一個壞人。一個服務咗香港社會咁多年嘅人,由低做起,直至到特首,咁多年經歷過香港好多風風雨雨!雖然佢未必係一個好嘅特首,但係如果論功績,佢一定比好多人多好多。如果真係講貪嘅話,真係大有人在!如果有罪嘅話,當今特首梁振英都應該一樣有!

「還押」

今日曾蔭權就公職人員行為失當罪成被還押,要等到星期三先至知道最終嘅判刑,而至於另一項控罪即係行政長官接受利益罪亦都會重審。如果大家先撇除自己對佢嘅睇法,單單睇各人為佢寫嘅求情信嘅內容,其實佢唔係嗰啲十惡不赦嘅人。點解?除咗親人,除咗前下屬,竟然就連民主派人士都有為佢寫求情信。可想而知佢其實為人晤差!不過點都好法律面前人人平等,犯咗法就要接受應有嘅懲罰。

「公職」

雖然曾蔭權未必係一個好特首,但係無可否認佢係政府工作咗四十五年。最為人熟悉嘅一定係九八年金融風暴嘅時候,佢同當時嘅財經事務局局長許仕仁與及金管局總裁任志剛聯手動用外匯儲備入市打大鱷!如今只怪佢自己擔小便宜,而導致今日嘅結果。講真公職人員行為失當罪真係一條萬能匙,因為即使未有確切證據證明有關嘅公職人員因受賄而故意作出有關的失當行為,而且未有令政府有任何損失,依然可被控這項罪名。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]