又亂嚟

「選舉」

相信大家仲記得去年美國總統選舉嘅時候,好多唔同嘅媒體都會用唔同嘅數據嚟做分析。點知全部都錯晒!而最近亦見到有本地公司話用「大數據」去分析特首參選人相關嘅帖文及留言,睇下究竟啲網民支持邊個同講啲乜嘢比較多。雖然見到有人嘗試利用數據去做選舉嘅分析,但係睇完佢哋所採用嘅數據之後,發現佢哋有同一個問題就係數據來自社交媒體,同時所涵蓋嘅範圍亦都比較窄!

「數據」

用數據分析選舉嘅形勢其實唔係一啲乜嘢嘅新事物,只不過好多人都只係睇嗰啲已經處理咗嘅數據,而忽略咗數據嘅來源同完整性。今時今日好多公司都會打正旗號話自己用「大數據」去做唔同嘅分析同研究。只不過往往就係因為咁而令到好多人產生錯覺。利用數據做分析係好事,但係唔好亂咁嚟!單憑社交媒體嘅數據係唔可以稱得上有代表性,最多只可以作為參考。有幾準確?自己睇完再講。

「心理」

之前都同好多人分享過點解之前英國脫歐同美國大選嘅數據會錯得咁離譜。最主要嘅原因唔係出自數據而係產生數據嘅人,則係普羅大眾嘅市民!嚟個同人類嘅心理學有關,因為好多人都唔會係網絡上面討論自己對某啲事嘅取態。與此同時即使佢哋發表嘅言論亦都未必係佢哋實質嘅諗法。所以如果只係單單分析針對各個參選人表達支持與不支持嘅內容,感未必太過兒戲。不過不得不承認嘅係廣東話博大精深,要分析香港人嘅言論真係好考功夫!


Also published on Medium.

Comments are closed.