好亂呀

「陌生」

唔知點解越嚟越對香港陌生,究竟係啲乜嘢問題?當然每一個社會都可以容納唔同嘅聲音,但係慢慢發現有啲人嘅思想同言論真係無辦法去理解。執法人員竟然知法犯法,但係佢哋竟然係受害者,需要幫忙?我有無聽錯?會唔會因為佢哋濫用私刑,所以導致今日嘅結果?今次有可能係咁啱俾人影到,但係現實又有幾多係大眾睇唔到?咁警察同黑社會有啲乜嘢分別?

「法律」

今日真係好亂呀,點解香港會有啲思想咁奇怪嘅人㗎?香港係一個法治嘅社會,就算特首都好,只要係犯咗法就會受到法律嘅制裁。今日「七警案」終於判刑,所有被告都被判處入獄兩年。但係唔知點解社會有一部份嘅人覺得七警係應該無罪,甚至乎覺得被判入獄係太重。如果個個執法者都可以濫用私刑嘅話,咁會點?係法律面前人人平等,更何況係執法人員呢?

「判詞」

有啲人話如果警察因為「雨傘運動」期間,警察受到相當大嘅壓力所以先至會打人。咁唔該先睇下法官判刑嘅時候講啲乜!各被告損害香港聲譽,尤其當全球有好多人睇到,就算曾健超係犯法,警方有壓力,但亦亦都唔可以帶佢去暗角打,因為當時佢已經被制服!由於案情非常嚴重,故認為判囚係適合。法官以入獄兩年半為量刑起點,考慮到各人當差服務社區多年,亦將會失業兼失長俸,與此同時承受各方壓力,所以判各人入獄兩年。雖然曾健超犯法,但實際上佢已為自己嘅行為負上責任。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]