等升職


個人分享
Tagged With: , , , , , , , , ,

「公司」

不論一間公司係大定細都好,其實都係一個金字塔!而慢慢每個打工仔都會發現自己可以向上游嘅空間會越嚟越細。嚟個係一個無可避免嘅現實,只不過大部份嘅打工仔都依然希望有晉升嘅機會。只不過越接近金字塔頂,所需要嘅能力係有啲唔同,因為所兼顧嘅嘢再唔係一板一眼嘅功夫。當然每個老闆嘅要求都唔同,而有啲員工以為自己做得夠耐,晉升嘅機會會比起講入公司嘅高。只不過嚟個係一個一廂情願嘅諗法!

「上位」

作為一個打工仔,當然就希望升職加薪。唔同人會用唔同嘅方法上位,但係要具備乜嘢條件先至可以上位?有啲人認為死做爛做,老闆要佢做嘅全部都照做。有啲人就走精面,不斷奉承老闆希望有日得到回報。有啲人樣樣親力親為,覺得自己永遠做得好過人哋。有啲人就有功自己拎有彩自己攞,有鑊就卸俾人。而以上通通都唔係一個合資格嘅領導者,咁又邊度有得上位呢?

「機會」

當然自己係打工嘅生涯入面都希望不斷有晉升嘅機會,而係每一個階段所學到嘅嘢都會有少少唔同。要由一個平平無奇嘅員工,慢慢變成管理層嘅職位當中最重要嘅一個條件就係識得放手。與此同時一間公司或者部門嘅成功唔係單靠一個人嘅力量,而係一整個團體嘅力量。如果要服眾就嘅話,當然就係要齊上齊落,有事嘅話唔係淨係識得卸膊。而大部份嘅老闆都係係需要一個有能力去帶領團隊嘅人,同解決問題嘅人!咁你上位嘅機會或者會比其他人多少少。


Also published on Medium.

Comments are closed.