懲人節

「懲人」

今日係「情人節」亦都係「懲人節」因為「七警案」終於有裁決!七名警員涉及佔領期間係添馬公園嘅變電站暗角位置,毆打公民黨前成員曾健超。法官今日係早上宣讀裁決,裁定各被告有意圖而導致他人身體受嚴重傷害罪名不成立,但係較輕嘅襲擊致他人受傷控罪則全部罪成。而第五被告陳少丹另亦被裁定普通襲擊罪成,各人須還押。法官聽取各人求情後,將於周五早上判刑。

「七警」

相信好多人都希望香港真係一個有公義嘅地方,因為「七警案」今日終於有一個可以叫做彰顯公義嘅裁決。當然最終都要睇星期五法官嘅判刑係點!今日睇完七位被告嘅求情理由真係好好笑,作為一個執法人員,竟然知法犯法,其實係罪加一等。如果法官真係輕判嘅話亦都難以服眾,不過作為一個法官要平衡好多因素。不過無論係點,作為執法人員係唔應該濫用私刑!

「監禁」

真係睇返多啲資料先知道原來襲擊致他人受傷嘅最高刑要罰係監禁三年,而法官要將七名被告還押,其實真係有可能判佢哋監禁。雖然「七警案」終於有裁決,而就算判刑之後,各被告亦都有可能會上訴,所以件案其實未必就咁完結。至於另一邊廂其實仲有另一件案件而言未解決,就係朱經緯利用警棍追打市民嘅案件,因為至今仍然仲未有任何人被落案起訴。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]