無得做


個人分享
Tagged With: , , , , , , , , ,

「投資」

香港做數據分析真係無得做?好多人都話香港嘅市場太細,當然嚟個係一個事實,但係細唔代表無得做。七年前選擇咗去開拓嚟條路,七年後條路依然咁難行,但係仲有無得行?我覺得係仲有得行,只不過係點行。數據係一個長線投資,回報期係比較耐,所以好多公司選擇解決眼前問題。當然市場環境係好重要,因為環境因素,數據分析始終比起其他地方發展得慢。

「難行」

路係人行出嚟,幾難行嘅路依然係路,好多時好多嘢唔係話無得做,而係睇下點樣先至有得做。就算同一樣嘅產品喺唔同地方都要有唔同嘅策略,好難只係用同一個策略去行就得。當然有時真係好睇個大環境,但係每個行業都會經歷興衰,如果都從來未興起過又點會衰落呢?有時條路行咗咁耐,就算係難行都應該要堅持落去,因為真係唔知前面會有啲乜嘢等緊你!

「心態」

好多嘢係香港唔係無得做,只係香港表面好似行得好前,但係其實好多人都係抱住,少做少錯,唔做唔錯嘅態度去工作。所以好多公司雖然知道要轉型,但係好多人都仍然希望要穩打穩紮,以不變勝萬變嘅態度,點知到最後就變成一無所有。而另一邊廂有好多人都會混水摸魚,用一啲嘩眾取寵嘅方法去吸納客戶,點知到最後與現實不符,搞到好多公司再唔敢投資!最終搞到雙輸嘅局面!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]