港病態


個人分享
Tagged With: , , , , , , , , ,

「縱火」

首先係度希望所有因為琴日縱火案而受傷嘅傷者可以早日康復。真係諗都冇諗過竟然有人會咁變態,係地鐵最繁忙嘅時間同最繁忙嘅路線嘅車廂入面縱火!當時睇到新聞真係嚇咗一跳!雖然到最後該名全身著晒火嘅人係縱火嘅元兇,但係如果俾著你見到啲咁嘅情況,就算你唔幫手求火都應該係第一時間逃生或者搵人幫手。如果香港有一日有恐怖襲擊嘅話,相信真係會死好多人,因為真係一啲危險意識都無!

「影相」

雖然香港人出咗名係手機食先,但係當遇到危險嘅時候都依然拎手機出嚟影相同拍片嘅話就真係有啲病態。琴日尖沙咀地鐵站發生縱火案,見到有人企喺到俾火燒緊竟然唔係第一時間去救熄啲火,見到地鐵車廂入面仲著緊火唔係第一時間搵滅火筒,而係好多人第一時間拎部手機出嚟影相同拍片!如果車廂入面仲有危險品,萬一突然爆炸嘅話,後果真係不堪設想!香港人真係去到一個病態嘅地步!

「危險」

事件發生後有好多影片同相不斷係唔同嘅地方廣泛咁俾人轉發,當然大家都好關心究竟發生啲乜嘢事。只不過當你見到啲人個個企咗係度唔知做乜同拎住部手機係咁影嘅時候,真係火都嚟!究竟人命緊要定影相拍片緊要?當然如果唔係有人拍片大家未必知道當時發生乜嘢事,只不過當時係唔係應該首先顧下自身嘅安全呢?不過真係無諗過香港會發生啲咁嘅事件,但係希望大家如果遇到啲咁嘅突發事件嘅時候,千祈唔好再掛住影相!


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]