大排檔


個人分享
Tagged With: , , , , , , , , ,

「文化」

大牌檔又可以寫成大排檔,係香港其中一種好受歡迎嘅街頭露天食肆。大牌檔係香港特有嘅街頭飲食文化,香港人嘅集體回憶,只不過大牌檔漸漸式微。直到目前為止,全香港只是剩低二十六間大牌檔,而佢哋主要是集中係中環、深水埗同石硤尾一帶。另外,有一啲市政大樓嘅熟食中心入裡嘅食肆,有一啲亦保留咗一啲大牌檔原有嘅風味。相信好多年輕人而家都應該好少會去幫襯嗰啲大牌檔。

「特色」

唔知幾耐無去過大牌檔,對上個次應該係同老婆去大坑炳記。通常大牌檔俾人嘅感覺係衛生環境比較差,但係啲嘢就非常好食。其實大牌檔提供唔同類型嘅食物,只不過有好多都係好似茶餐廳。好多大牌檔都係由鐵皮同木板建造而成,一般都係以摺枱同摺櫈嚟營運,因為方便開檔同收檔。唔知大家又鍾唔鍾意去大牌檔食嘢呢?而家啲大牌檔真係買少見少!

「保育」

香港嘅文化保育真係做得非常之差,相信好多香港嘅文化會因為政府嘅政策慢慢就會消失。而家大牌檔遇到最大嘅問題係持有大牌檔嘅牌照都已經有一定嘅年紀,而牌照係唔可以轉讓或者繼承,所以一旦持牌人離世,大牌檔就被逼結業。雖然食物環境衛生署決定全面保育中環嘅大牌檔,但係都係得嗰十個牌照。老實講點解唔係所有牌照呢?


Also published on Medium.

Comments are closed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]