二千日

「二千」

二千日有幾長?其實都真係幾長,因為二千日等於十二萬分鐘,七百二十萬秒。要係茫茫人海入面要遇到同相識一個人,其實真係同大海撈針無分別。因為一個人平均一生會認識到一千七百個人,而經常聯絡嘅就唔超過三百五十人。當然如果你遇到一個可以同你一生一世嘅人就真難上加難!點解?因為每段關係都會經歷喜怒哀樂,要有無限嘅包容同忍耐,先至可以「執子之手,與子皆老」!

「緣份」

二千日話長唔長話短唔短!當然同老婆相識唔止二千日咁少,緣份就係咁奇妙,如果無我老婆嘅出現,相信無今日嘅我。而二千日過去,好多我想做嘅嘢都仲未做到,仲未達標,有時都覺得自己幾失敗。因為自己嘅執著,自己嘅堅持,有時真係辛苦咗自己嘅另一半。好多謝佢過去個二千日對我嘅容忍!而過去嗰二千日真係覺得好快,好快,因為任何時候我都知道有你係身邊做我嘅後盾。

「慶幸」

二千日入面當然有開心同唔開心,不過真係好慶幸我係茫茫人海入面認識到你。因為你嘅出現改變咗我嘅下半生,亦都因為你我嘅人生再一次充滿色彩。有時雖然條路有啲難行,但係我相信只要我哋一齊去面對,無嘢係難到我哋。嚟二千日實在經歷咗太多嘢,無人知道前面嘅日子會係點,但係只要有你係身邊,其實就已經足夠。多謝你!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]