堅離地


個人分享
Tagged With: , , , , , , , , ,

「離地」

其實而家點解啲人會咁離地?講真而家嘅科技真係發展得太快,好多公司嘅營銷策略其實都跟唔切!如果啲人仲諗住啲後生仔女仲係度玩緊傳統嘅社交媒體平台嘅話其實已經非常落後了!年輕嘅一群早就已經慢慢離開傳統嘅平台,就算有帳號嘅話都唔會好活躍,因為佢哋嘅圈子根本就唔係嗰啲傳統平台上面。當然我哋生活係一個數碼年代,但係有啲基本嘢真係要人教嗎?

「貼地」

現實社會真係有好多人好離地,當然要貼地唔係話要樣樣嘢都要跟得好貼,因為有時跟得太貼嘅話係有可能車毀人亡。今時今日已經唔係我哋以前所謂嘅「三年一代,五年一溝」咁簡單,真係分分鐘「一年一代,一年一溝」!所以點解上一代嘅人唔明現今嘅年輕人諗啲乜同做啲乜係好正常嘅事。只不過就算真係想拉近距離嘅話,係無必要話俾人知自己有幾咁離地囉!

「數據」

做數據分析係需要了解唔同群組嘅日常喜好同行為,咁樣先至可以更加有效了解同分析數據入面所隱藏嘅信息。如果真係要做到好貼地嘅話,其實係有啲難度!因為科技嘅發展令大家嘅生活習慣同行為都有所改變,而且速度係非常之驚人。所以唯一嘅方法去察覺嚟啲急速嘅變化,其實真係只可以透過數據去反應出嚟。只不過又會有幾多公司真係會投放資源去令自己無咁離地呢?


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]