去洗車


個人分享
Tagged With: , , , , , , , , ,

「香港」

其實返咗嚟香港咁多年,有一樣嘢唔係幾明白嘅就係點解香港啲車大部份都咁乾淨。唔通架車係一定要一塵不染先至可以揸出街?因為有時自己架車污糟啲就會覺得唔知點咁。因為係外國好多時都係自己洗車,有時真係分分鐘一個月先至洗一次,如果打蠟嘅話,真係一年都唔知有無一次。當然係香港好多屋苑都會有人日日抹車,而好多新車都會去做鍍膜,就算唔做都會間唔中去搵人打蠟。真係乾淨到暈!

「洗車」

係香港如果要自己洗車真係有點兒麻煩。而自從搬咗去屋苑之後,停車場有抹車服務,所以每日都有人幫架車洗番乾淨。以前我唔想啲人抹花架車,所以一般都會拎去啲洗車鋪去吸塵,洗車同打蠟。不過啲洗車鋪真係一間間,試過兩間大型連鎖都洗得麻麻地。所以近年都冇幫襯佢哋!但係其實個啲抹車服務都係一樣,佢哋都係求求其其咁抹,不過叫做好過無咁解。

「上門」

有時拎架車去洗唔係問題,但係有時真係無時間放低架車去啲洗車鋪,因為通常最起碼都要兩三個鐘頭。就算真係等,只不過好多時都洗得唔乾淨先至慘。有次佢哋洗完之後泊咗架車去啲車位度,我當時有無睇,之後返到屋企發現俾人撞凹咗隻門,真係無仇報。所以之後都無再幫襯佢哋!不過如果有人上門就唔同,因為最起碼唔使係條街到呆等!雖然仲未有機會去試洗車俠嘅服務,但係真係要搵次試下。


Also published on Medium.

Comments are closed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]