星聲夢

「夢想」

乜嘢係夢想?乜嘢係堅持?乜嘢係選擇?乜嘢係現實?人生就係咁樣!好多人都有夢想,但係慢慢長大之後大部份嘅人都會忘記咗自己嘅夢想。有幾多人會因為追尋自己嘅夢想並鍥而不捨咁堅持到最後?去到人生交叉點,為咗生活而要含淚去選擇背棄自己初衷嘅,相信大有人在!現實有時會令人改變選擇,而有啲選擇甚至乎改寫一個人嘅一生。咁你會選擇堅持夢想?定係向現實低頭,希望有一日會實現自己嘅夢想?

「堅持」

今個農曆新年,最好睇嘅電影應該會係星聲夢裡人。每個人嘅路都好唔同,但係唔同嘅路都有可能帶你去到同一個終點,只不過每個人都會有唔同嘅選擇。至於點樣選擇真係好睇當時嘅狀況,不過人大咗,做決擇就自然更加謹慎。以前或許會向現實低頭,但亦因為實現而留低一大堆遺憾。所以而家就算幾想放棄都好,依然盡力去繼續堅持,因為無人會知道將來會發生啲乜嘢事。

「遺憾」

好多時都會諗返轉頭如果當初唔係咁樣選擇,今日自己又會點呢?但係人生邊度有咁多如果?如果大家都知道結果會係點嘅話,咁就唔係人生!路係自己揀嘅,所以就算發生啲乜嘢事都好,都係自己嘅選擇,好與壞都要去承擔。好多人會選擇去逃避,好多人希望可以重新選擇,只不過人嘅一生其實好短!與其抱怨,與其後悔,與其遺憾,倒不如改變自己,唔好過份執著!凡事睇開啲,人生開心啲!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]