年廿八

「農曆」

仲有幾日就係農曆新年,相信好多人都忙緊準備過年嘅嘢,而年廿八就當然係執執嘢,將啲唔要嘅嘢揼咗佢,希望送舊迎新。而洗完邋遢之後就要過咗年初五先至可以打掃屋企。其實而家真係無乜可能咁多日都唔打掃屋企囉,唔通將啲垃圾擺係屋企咁多日咩。所以傳統嘅嘢真係有時諗唔明,就算係因為保留財氣之外,其實做乜嘢唔可以打掃呢?唔知大家今日有冇洗邋遢呢?

「廿八」

正所謂年廿八就洗邋遢,今日就當然要整理下間屋。除咗要整理屋企之外,就當然要趁新年前去剪個髮同埋拎架車去打個蠟!因為今年猴年犯太歲,好多嘢都唔係好順利,希望洗完邋遢就將猴年嘅所有唔好嘅嘢通通掃走晒佢。不過今年農曆新年真係好早,基本上好似過完個聖誕節無幾耐,又啱啱先至踏入二零一七,所以真係好似由聖誕開始一直無停過。所以有時新年係一月尾都未必係件好事。

「意思」

廣東人俗稱嘅「洗邋遢」,意思係將所有污糟邋遢嘅嘢洗乾淨。但「年廿八,洗邋遢」所指嘅,除了將居住嘅地方清潔之外,由於「塵」與陳舊嘅「陳」同音,所以大家認為「除塵」有「除舊迎新」嘅含意。所以有唔少都會趁年廿八,將屋企嚟一次全面性嘅大掃除,寄喻迎接新一年新開始,有「萬象更新」嘅意思。另外,有句俗:「年廿八洗邋遢,若然不洗豈會發」,選擇年廿八去「洗邋遢」,其實係取其諧音「易發」,好意頭。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]