要冒險


個人分享
Tagged With: , , , , , , , , ,

「人生」

人生每一日都係一個新嘅挑戰,無人知道聽日會發生啲乜嘢嘅事。前幾日同一位朋友傾計,發現而家有好多公司嘅管理層唔敢冒險。好多時要突破就需要冒險,當然有時要衡量輕重,唔係心口掛個勇字就得!但係如果連冒險嘅精神都無,基本上同固步自封無分別。不進則退,如果退無可退嘅話,基本上就係坐以待斃,等死。點解香港好年輕人做一兩年就唔轉工?好多時係因為機會!如果無機會向上行咁有乜作為?

「冒險」

其實香港嘅年輕人雖然好似身處係一個比較幸福同富裕嘅年代,但係其實佢哋係好慘嘅一代!點解?因為高不成,低不就。事關大部分公司都係一個金字塔,如果個金字塔唔夠大,唔夠高嘅話,其實邊度有咁多機會俾佢哋向上游呢?個個都未有耐退休,頂住咗下游,無得上上爬,所以就衍生咗魚唔過塘唔會肥呢個概念。但係跳得多咁多又點可以發展自己嘅專業呢?所以不論公司又好,做人又好,係需要有冒險嘅精神先至可以創造更多嘅機會!

「老鼠」

當然唔係次次冒險都會成功,總會有時候係會失敗。只不過好多人只會抱住安穩嘅心態去過每一日,因此整個社會就慢慢倒退。呢個正正係香港現今社會嘅問題。好多年輕人都話好想闖一番事業,但係往往就被上游嗰班安居樂業嘅管理層頂住咗。香港睇落好先進,其實好多嘢都好落後,包括思想。個個都想有隻白老鼠去做先頭部隊,而重點係佢哋要一隻成功嘅白老鼠,如果唔係基本上佢哋係唔會改變。就係咁香港就慢慢係度倒退!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]