參選了

薯片叔叔

「特首」

好多人都會話邊個做特首都唔關自己事,因為到最後都唔係佢哋選出嚟。就算民間呼聲再高有點?因為到最後都係由嗰一千二百個選委去決定。雖然嚟嗰係事實,但係大家又唔可以話民意唔會影響結果。就好似當年唐英年落敗一樣,當然無人可以擔保佢做特首會唔會比梁振英好,只不過佢當時有太多負面嘅新聞。講到尾其實邊個係特首係會影響民生,所以唔好話唔關自己事!

「薯片」

薯片叔叔今日終於正正式式咁同大家宣佈佢會競逐下一任嘅特首!無論你鍾唔鍾意佢都好,到現時為止特首嚟個寶座毫無意外都應該會係由兩位前司長其中一位出任。其實如果大家真係有認真去睇曾俊華幕後嘅團隊嘅話,係唔同層面都做得非常之好。講真整體嘅感覺真係有少少似當年奧巴馬選美國總統咁!真心希望如果佢真係選到做特首嘅話,真係千祈唔好因為權利而失去咗而家嗰種親民,和藹,透明嘅風格。

「民意」

暫時民間呼聲最高就當然係薯片叔叔曾俊華,至於奶媽林鄭月娥基本上你話佢有自知之明又好,唔敢面對網民又好,如果講淨係講網上嘅民意,佢真係輸成條街!雖然今日無睇佢宣佈參選嘅直播,但係睇番佢發表嗰四千七百字嘅參選宣言,當中當然有認同,有唔認同嘅地方。講真邊個想移民?移民係為咗啲乜?如果一個地方真係好嘅話,邊度會有人會諗移民,真係有自唔在攞苦嚟辛咩?


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]