嘥鬼氣

「功課」

好多香港人嘅目標就係盡量賺錢買樓供樓,鬼唔知咩!講咗咁多年都係嗰三篤屁,雖然你話唔連任者,但係個施政報告真係可以用交功課嚟形容。將民生嘅設施改建成展覽場地,講真無其他地方可以起咩?點解係要係灣仔?又係度話自己過去四年施政無走數,你估你係奧巴馬咩?人哋就真係無走數嘞!講來講去都唔知有乜嘢真係幫到香港,不過算啦,反正你都就快卸。雖然唔知下個特首係邊個,但係今年嘅施政報告真係毫無可取嘅地方!

「嘥氣」

今日梁振英所發表嘅施政佈告真係嘥鬼氣,因為佢餘下嘅任期得半年左右,講咁多嘢有幾多會落實?更何況今次嘅施政報告真係無嘢好講,因為每次講到香港人最緊張嘅住屋問題,次次都講因為土地問題。講咁多次唔厭嘅咩?佢上任以嚟個樓市有升無跌,唔見得有幾多人真係上到樓!如果唔想「青年人選科和擇業都要向錢看」嘅話,咁係唔係應該有其他措施呢?真係廢到無倫嘅廢話!

「斗室」

創新斗室?咩野黎架?「斗室」其實係指細到好似斗一樣咁嘅屋,用嚟形容極細嘅房屋!咁即係好似劏房咁?老實講要發展科技唔係需要居住空間,而係需要其他嘅政策同配套!搞啲劏房出嚟就會吸引多啲人才?唔好玩啦!之前已經話係落馬洲河套地區興建「港深創新及科技園」已經再一次證明個政府真係好離地。邊個會山長水遠去到落馬洲返工呀?而家已經有數碼港,有科學園,其實創新科技係需要一套完整嘅政策,唔係搞一啲地產項目就得!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]