請珍惜


個人分享
Tagged With: , , , , , , , , ,

「成長」

好多人都會話自己嘅工作好忙又或者因為要搵錢所以就無乜時間陪小朋友,而小朋友成長嘅速度真係實在太驚人,不知不覺時光飛逝佢哋已經識行識走,生活入面再唔只係得父母。你以為佢哋好細個唔識嘢,乜都唔知?其實佢哋對四周圍嘅環境同事物好敏感。好多人話等佢大個先至彌補,但係當佢哋大個咗之後,佢哋有自己嘅生活,根本就無需要再依賴父母。所以到最後錯過咗就係錯過咗,無得返轉頭!

「照顧」

係香港好多父母一日都唔知有幾多時間可以見到自己嘅小朋友,好彩嘅可能係朝頭早出門口前同佢打過招呼,如果小朋友早瞓嘅話真係分分鐘放工返屋企都未必見到。所以大部份嘅親子時間都只係得返星期六日同一啲假期。如果經濟容許嘅,媽媽或者可以全職照顧小朋友,而爸爸就繼續出外工作。但係其實作為父母,你想係小朋友成長中扮演一個乜嘢嘅角色?選擇權其實係自己手中!

「珍惜」

作為爸爸,努力工作就不在話下,因為要養妻活兒,而現今社會亦有好多好勁嘅媽媽,係工作上亦有好大嘅成就!但係除咗工作之外,到底有幾多時間真係照顧同陪伴自己嘅小朋友。曾經睇過一篇文章「爸爸不是沒時間陪小孩,而是給自己太多時間」,老實講我想話有時唔係真係爸爸,有時媽媽亦都係!篇文最尾有句真係講得好啱「再不陪小孩,等你想陪的時候,他就大了,你也老了。你們之間僅存的只剩一點血緣關係而已。」大家真係好好珍惜自己嘅小朋友,因為佢哋只會長大一次!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]