坐巴士


個人分享
Tagged With: , , , , , , , , ,

「雙層」

巴士係一個城市不可缺少嘅交通工具,而雙層巴士就唔係好多地方有,香港係其中一個地方用雙層巴士用得比較多嘅城市。雙層巴士起源於英國,由於車體龐大,重心較高,司機同乘客都要特別注意乘車安全,所以雙層巴士嘅設計要特別考慮佢嘅穩定性。免更進一步將巴士嘅重心升高,乘客一般都唔可以企係上層,以免巴士翻側。係香港如果巴士上層要企乘客嘅話係需要通過傾斜測試。

「巴士」

相信好多人每日返工放工都會坐巴士,唔知大家鍾意坐上層定下層呢?我自己其實鍾意坐上層,因為可以睇到沿途嘅事物。但係以前返工放工我其實就選擇唔坐巴士。因為每當繁忙時間搭巴士,如果你唔係站頭上車,其實大部份嘅時間都應該無位坐,有時甚至乎逼到郁都郁唔到。有時見到架巴士逼爆晒,就連落車都有困難,真係認真誇張!老實講真係好危險,因為如果真係唔好彩遇到意外嘅時候就真係不堪切想。

「意外」

相信大家都有睇新聞,一架城巴係藍田鯉魚門道發生翻側意外,造成一死,十八傷。以前每日返屋企其實都會經過嗰條路,而真係諗唔明架巴士點樣可以直鏟埋去個石壆度。睇番有條片影到架巴士翻側之前其實好似毫無意識要轉軚,係唔知架巴士失控定係個司機當時身體有問題。巴士翻側嘅意外係香港都已經唔係第一次,所以有時大家坐巴士嘅時候都唔好太過大安旨意,因為有時意外嘅嘢真係好難講。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]