真領袖


個人分享
Tagged With: , , , , , , , , ,

「任期」

美國總統奧巴馬嘅任期嚟到尾聲,當然好多人都會唔捨得嚟位美國總統。佢係美國第一位黑人總統,而佢同好多過往嘅總統都好唔同。作為一個國家嘅領袖,當然有人認同佢過去八年嘅政績,亦都有人唔認同。佢係任期入面,的確改變咗好多嘢,不過最令人難忘嘅係佢平易近人嘅風格,真係唔係個個總統做得到。一個好嘅領袖係有一班忠心嘅團隊共患難,而奧巴馬係一個好好嘅例子!

「領袖」

好快特朗普就會接替奧巴馬出任美國總統,或者佢係一個企業家,當然無商不奸,佢係一個好典型嘅例子。係商業世界或者佢係一個成功嘅領袖,但係作為一個真領袖除咗可以帶領團隊創一番事業之外,最緊要嘅其實係要得民心。你會睇得出奧巴馬真係拎個心出嚟去對待每一個人,每一件事。而同佢共事咁多年嘅人對佢嘅評價同態度,你就會知道嚟個係一個真領袖。真係有少少唔捨得佢!

「營運」

自從特朗普開第一次記者招待會嘅時候,你就應該會知道今後只有佢講無人講嘅情況會經常出現。佢係公眾場合所講嘅似一個行政總裁多個一個總統,雖然佢之前都有講過佢會好似營運一間公司咁去營運美國。唔通咁就係一個好嘅領袖?佢每次嘅言論都真係幾得人驚,不過聽過咗就真係只會當成笑話。希望嚟緊個四年美國甚至全球都可以平平安安咁渡過。到時再選過個真領袖出嚟!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]