整年糕


個人分享
Tagged With: , , , , , , , , ,

「新年」

新年就快到,又係時候蒸下糕。自從上年新年前買咗部水波爐之後,真係第一次自己係屋企整年糕。當然整年糕就需要食譜啦,而上年跟咗麥潔兒(Kit Mak)嘅「黃金奶黃年糕」整咗幾次俾屋企人,所以今年就早啲整年糕用嚟送禮。講真自己整年糕真係唔難,最重要嘅係口味可以按照自己嘅喜好去整。如果怕甜嘅話可以落少啲糖,鍾意幾時食就幾時整,真係唔錯。最緊要嘅係價廉物美嘛!

「年糕」

今年終於去咗超級市場買材料整年糕,因為上年整完「黃金奶黃年糕」之後大家都話好食,所以今年當然再整啲俾屋企人同朋友啦。其實跟住食譜整真係無乜難度,基本上一次就成功,只係屋企人唔食咁甜,所以糖嘅份量就減少咗好多。而因為我自己好鍾意蛋黃,所以就特登加多啲落去。自家製真係可以按自己嘅口味去調較份量,而且其實年糕都真係唔洗太多時間,大家真係可以考慮試下自己整!

「食譜」

嚟個食譜真係要寫低!如果唔見咗之後就無得食!真係多謝 Kit Mak 嘅食譜。

材料:
糯米粉:300克
沾米粉:30克
吉士粉:2.5湯匙
椰汁:260克(即係260毫升)
清水:140克(即係140毫升)
糖:170克
鹽:4克
咸蛋:2隻

做法:
1. 將咸蛋取出蛋黃,放入東芝水波爐中,以「蒸氣」程式蒸25分鐘後,壓成茸。
2. 水加入鹽、糖及椰汁,慢火煮至糖及鹽完全溶化,熄火。
3. 將糯米粉、及沾米粉及吉士粉混合,加入椰漿溶液拌勻,用篩隔去粉粒,令麵漿細滑,加入壓成茸搓碎的咸蛋黃碎拌勻,倒入已掃油的蒸糕盤內。
4. 將蒸糕盤放入東芝水波爐中,按「蒸煮」模式,蒸25分鐘3-4次。取出待涼後,放入雪櫃冷凍,吃時切件煎香即可。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]