鄭月娥

「林鄭」

我記得啱啱返嚟香港嘅時候林鄭月娥應該係當時嘅發展局局長,俾我嘅感覺佢係一個鐵娘子,尤其當年佢處理嘅馬頭圍道唐樓倒塌事件同新界村屋僭建事件。嗰陣時覺得佢係咁多個政府官員入面都叫做得比較好嗰個,只不過當梁振英上台,佢做咗政務司司長之後就真係變晒。唔通真係因為一個「權」字就會令到做人做事嘅方針都改變埋?因為今日嘅林鄭月娥一定唔係當初嘅林鄭月娥!

「請辭」

本來已經多次強調完成五年任期後就會退休嘅政務司司長林鄭月娥,一直都話無野心參選特首,但係當梁振英宣布唔競逐連任之後,隨即改變立場當初嘅立場,重新考慮參選。究竟係啲乜嘢原因令到佢參選?唔通你真係信佢講因為「上帝」叫佢參選咩!而佢依家嘅做嘢手法,老實講同而家嘅政府又有啲乜嘢唔同?不過好明顯好多人都真係唔妥梁振英,如果唔係佢話唔選嘅話,奶媽都唔會轉呔轉得咁快!

「入閘」

出言反爾嘅人真係相唔過!近年大家有眼睇林鄭嘅改變,而再加上近日西九故宮博物館嘅事件,佢真係一個合適做特首嘅人選?人哋曾俊華辭咗職都已經一個月,中央政府都仲未批准,而家又真係睇下林鄭要幾耐就批!唔知佢哋嘅合約入面有無離職要幾耐通知嘅呢?定係個條款係一定要中央政府批准先至得?如果只係批准林鄭辭職參選而曾俊華唔批嘅話,咁樣真係一國兩制咩?雖然特首係小圈子選舉,但係今次好明顯話比大家知中央政府俾邊個入閘同唔入閘。處理離職要個幾月?唔好玩啦!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]