東方昇

「距離」

真係好耐無睇無線嘅劇集,但係最近又有新一輯嘅「世界零距離」咁當然要睇下今次方東昇又有啲乜嘢金句帶俾各位觀眾。如果唔係佢咁多金句應該都唔會吸引咁多人睇。因為最近啲劇集真係無一套吸引,就算想睇道無計,因為要等郭大少瞓咗我哋先至會開電視。雖然個節目只係播咗三集,但係已經好好笑。更重要嘅係真係有嘢睇,有嘢笑,有嘢學嘛!好難得係有啲咁嘅節目當然要坐定定睇啦!

「好笑」

相信嚟幾晚大家都係度等緊方東昇係世界零距離入面會有啲乜嘢嘅金句爆出嚟,老實講真係幾好笑。當然除咗個節目有資訊性之外,昇爺真係句句新鮮,估佢唔到!我諗近排最好收視嘅一定係嚟個節目,如果無佢做主持嘅話我相信觀賞性一定大減!香港人其實好簡單,辛苦工作咗一日就係想休息下。當然有得笑下就最好啦,唔知聽晚昇爺又會有啲乜嘢嘅金句呢?

「金句」

好啦咁今次又有啲乜嘢金句?只係短短幾日就已經一大堆!
一)「一試無妨,再試投降」
二)「讀萬卷書不如行萬里路,行萬里路一定要去赤道」
三)「將雞蛋顛倒過來,這就叫倒蛋」
四)「歲月不饒人,起身見頭暈」
五)「無論順流逆流,逝去的水不會再回頭,不知不覺全流走」
六)「路遙知馬力,汗水滴不停」
七)「瘦馬跑長途,肯定有著數」
八)「我想知,但我不想試」
九)「織織復織織,織極都唔識」
十)「塞翁失馬、皆因蝦碌」
十一)「不管你抽不抽煙,在冬天的海參崴一樣會出煙」
十二)「一炮而紅,開多幾炮就窮」
十三)「潛艇的重點在於潛,潛的精髓在於靜」
十四)「大海撈針難,大海撈參幾容易」
十五)「優勝劣敗,輸不能抵賴」


Also published on Medium.

Comments are closed.