十年前


個人分享
Tagged With: , , , , , , , , ,

「十年」

真所謂十年人事幾番新,其實過去十年科技嘅發展真係快到無人有!以前要用電話上網真係諗都無諗過,而家如果手機無得上網嘅話真係想殺咗佢。智能手機除咗衍生咗好多唔同嘅工作之外,最重要嘅係改變咗人嘅行為。要改變人嘅行為係一件好難嘅事,而一部手機由原始嘅按鈕式操作到觸碰式操作其實真係唔容易。嚟個改變就足以令我哋嘅新一代依家只要見到屏幕就已為可以用雙手去觸碰操作。

「顛覆」

相信無人諗過十年前嘅一部智能手機會顛覆整個手機行業嘅發展。仲記得當時好多人有唔同嘅睇法,有睇好嘅,有批評嘅,但係事實勝於雄辯,而家每個人都有一部智能手機。當然你部手機係唔係蘋果嘅唔緊要,最重要嘅係十年前蘋果所出嘅第一部智能手機去到今日已經係嚟到第七代,而過去十年嘅改變就足以令好多人嘅生活帶來唔同嘅影響。智能手機已經係每個人生活不可缺少嘅一部份!

「改變」

老實講智能手機嘅出現都唔知係一件好事定係壞事,當然佢造就咗好多人嘅成功,創造咗好多新興嘅行業。只不過依家好多人就變咗食飯係相機食先,個個變晒低頭族,食飯好多時淨係望住部電話,溝通已經再唔係用言語而係用短訊,等等嘅改變。只不過無可否認嘅係,智能手機改變咗好多人類過去咁多年嘅習慣同行為,相信如果要再次顛覆人類嘅習慣嘅話,或者到需要一段頗長嘅時間。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]