霧霾天


個人分享
Tagged With: , , , , , , , , ,

「霧霾」

相信好多人都會聽過煙霞或者霧霾嚟兩個字,而大部份人只係知道係形容空氣污染。其實霧霾係一種由固體粒子形成嘅空氣污染,其核心物質係空氣中懸浮嘅灰塵粒子,氣象學上稱為氣膠粒子。霧霾含有數百種大氣化學粒子物質,佢哋係人類毫無防範嘅時候侵入人體嘅呼吸道同肺葉中,而引起呼吸系統疾病,心血管系統疾病,血液系統,生殖系統等疾病。長期處於嚟種環境亦有機會誘發肺癌,因為霧霾嘅危害等同吸煙。

「香港」

係香港其實不時都會有煙霞,如果你係維港兩岸就好容易察覺到。因為佢好似一層薄霧咁籠罩著香港,所以如果每逢落完雨嘅日子,你會發覺香港突然靚咗好多,因為啲雨會將空氣入面嘅懸浮粒子帶返落嚟。雖然香港嘅空氣污染比起內地都未去到超級嚴重嘅地步,但係因為內地嘅污染不斷積聚,再加上有時風係由北向南,所以香港亦都有機會受到內地嘅霧霾影響!

「污染」

空氣污染唔係今時今日先至有,而隨著科技發展,人類產生嘅廢氣越來越多。當然好多發達嘅國家都會監管空氣質素,但係中國雖然話就話有監管,但係就因為每個省縣都急速發展,所以霧霾越嚟越嚴重。仲記得奧運嘅時候去北京真係好靚,藍天白雲,但係相信依家要見到藍天真係一件好難嘅事。就算有藍天,我相信啲建築物都會變晒色,因為啲污染物真係好犀利。如果而家要我返內地工作都真係要三思!


Also published on Medium.

Comments are closed.