博物館

「故宮」

故宮文化博物館?係邊架?北京?非也非也!因為係毫無公眾諮詢嘅情況下突然話起就起!當然好多人會問點解香港人要一個故宮文化博物館,而大部份嘅香港人都真係會諗唔明!最唔明嘅相信係今日無啦啦係港鐵香港站出現咗巨型「故宮壁」,而根據康文署所講,嚟個係展覽,唔係廣告,但係就用咗一百五十萬去製作。係唔係真係咁啱得咁橋呀?嚟頭話係博物館,個頭就搞乜嘢展覽。

「西九」

西九文化區搞咗咁多年,其實有啲乜嘢真係可以推斷文化產業?無啦啦話要係香港嘅文化區起個故宮博物館,其實如果真係要了解故宮文化,係唔係應該去北京而唔係香港呢?到底個故宮博物館同香港有啲乜嘢關係?最搞笑嘅地方係啲展品全部都係國寶級,所以如果要將收藏品借出去做展覽嘅話係會受到規管同限制。而根據現行嘅慣例,一般每次最多只會借出一百二十件收藏品,為期最多三個月。咁會唔會有機會無展品又或者得啲流流嘅展品?

「文化」

其實好多香港人都會去過北京嘅故宮博物館,當然我亦都唔例外。故宮真係好大,入面真係有好多好多中國歷史遺留落嚟嘅物品。我自己反而鍾意去後山,居高臨下咁睇故宮。只不過好多嘢係要留係本身嘅地方先至感受到箇中嘅歷史同文化。就好似兵馬俑咁,如果你唔係去西安睇嘅話,其實兵馬俑都只係兵馬俑。所以係香港起個故宮文化博物館真係牛頭唔答馬嘴。係唔係應該先起番個香港文化博物館先呢?


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]