撐雞蛋

「冧莊」

相信好多人估都估唔到今年「我最喜愛嘅男歌手」在一次落喺坤哥手入面。當然好多人都好驚訝,點解坤哥可以連續兩年都攞到嚟個獎?相信佢自己都無諗過,因為係咁多男歌手入面俾佢更有資格嘅大有人在。不過老實講佢啲歌係幾好聽,而佢真係一個唔識講嘢嘅人。無論你支持佢又好,唔支持佢又好,香港嘅樂壇係需要一啲新力軍!希望坤哥今年繼續做好音樂,用行動去證明俾所有人睇你係實至名歸!

「雞蛋」

每年睇叱咤頒獎禮為咗啲乜?當然除咗睇下邊個歌手攞獎之外,就當然要睇林海峰嘅棟篤笑啦!今年佢用雞蛋與高牆作比喻,帶出娛樂圈係過去一年嘅大小事務。一首《雞,全部都係雞》定係《蛋,全部都係蛋》真係笑到碌地!如果叱咤無咗林海峰嚟個環節都真係唔知點算!老實講如果俾你揀,你寧願做隻蛋定抑或高牆?其實唔駛揀,因為我哋全部都係一隻蛋!就算有高牆又點?只要團結就唔使怕啦!

「女神」

好多人都話「我最喜愛的歌曲大獎」應該係由「方皓玟」嘅《終於好天氣》攞。但係平心而論自己真係覺得欣宜嘅《女神》比較好聽。當然除咗佢唱歌真係唔差之外,其實幕後嘅功臣真係幫咗唔少。其實作為肥姐個女,所承受嘅壓力一啲都唔細!其實今年佢真係實至名歸,除咗攞到「我最喜愛的女歌手」之外,亦因為《女神》嚟首歌獲得「我最喜愛的歌曲」同「叱咤十大第三位」真係戥佢開心!努力呀欣宜!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]