新開始


個人分享
Tagged With: , , , , , , , , ,

「新年」

個個都寫新年願望,其實我而家每年嘅願望都係得嚟三個,第一個就係開開心心咁過每一日,第二就係每日都可以陪郭大少一齊成長,第三就當然係同老婆恩恩愛愛過埋下半世。當然今年有好多嘢都要重新開始,所以雖要更多時間同精力去實踐。堅持係一件好難嘅事,所以我仍然堅持每日都係嚟到寫一篇文,原因係要令自己繼續堅持。人生不如意嘅事十常八九,重新調整自己向新一年出發!

「開始」

人跌低咗唔緊要,最緊要係要識得點樣起返身。人生跌過無數次,所以其實無乜大不了!新一年,新開始,從頭嚟過其實唔係啲乜嘢大不了嘅事。堅持咗咁耐嘅嘢係要繼續堅持。只要唔放棄就總會成功,因為路唔一定易行,只要捱得過就會係另一片天!今年繼續隨心,繼續堅持,繼續咬緊牙關撐過去!今年一定會俾上年更加好,只要你相信自己就一定可以做到。混亂咗一年,係時候重新出發!

「繼續」

每年睇番自己年頭,同年尾寫嘅嘢真係幾特別,因為其實真係會唔記得自己寫過啲乜嘢。今日再睇返,其實諗法同一年前無乜改變,繼續嘗試新嘅方法去實踐自己嘅目標。一間公司要轉型都要啲時間,何況人個人嘅生活模式?所以繼續嘗試,繼續改變自己嘅思維,不過最緊要都係希望有多啲思考嘅空間,因為上年真係一片混亂中咁度過。講多無謂,行動最實際!今年要認真加加油!


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]