睇王菲

「天后」

相信好多人都會認識樂壇天后王菲,當然我個年代佢真係用佢嘅藝名王靖雯。雖然佢無乜參與電視劇,但係依個大家睇過原振俠嘅話就應該記得佢係有份參與。如果你有玩開最終幻想嘅話,一定知道王菲曾經為第八集唱過主題曲。依家莫講話係好多場合都唔會見到佢嘅蹤影,甚至乎要聽到佢唱歌都好難。慶幸前幾年佢係香港開演唱會嘅時候有機會再一次聽到佢嘅歌聲,因為佢嘅演唱會飛真係一票難求!

「王菲」

今日王菲係上海開咗一場演唱會,而今次嘅演唱會真係一票難求,不過最特別嘅係今次竟然免費係網上直播。你都咪話唔勁,因為今次嘅直播吸引咗超過二千萬人同時觀賞。真係認真誇張!如果每人收一蚊都已經有二千幾萬!或者嚟個可能係一個新嘅演唱會嘅模式,因為分分鐘搞一場演唱會就已經等同好多場演唱會嘅收益。不過今次嘅重點就當然係好耐無聽過王菲嘅歌聲啦!歌后真係歌后,真係聽到毛管戙!

「特別」

當然除咗歌后嘅歌聲之外,佢嘅舞台設計同衣著都係大家會關注嘅地方。而最特別嘅係今次嘅演唱會嘅和音係由佢個女竇靖童擔任。時間真係過得好快,童童已經咁大個。眾所周知,王菲好少講嘢,所以整個演唱會都係唱歌,唱歌同唱歌,但係今次佢亦都好罕有咁唱咗一首廣東歌。雖然今次嘅演唱會只係一場,但係製作費就已經高達五千萬人民幣!唔知今晚有幾多人同我一樣有睇王菲嘅「幻樂一場」演唱會呢?


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]