港品格

「質素」

唔知由幾時開始,香港人嘅質素好似每況越下,唔講仲以為佢哋係大陸人。以前如果你出去旅行,同人哋講你係香港嚟,通常當地人都會好客氣。但係依家就算你未表明自己係香港人,只要佢哋覺得你似大陸人嘅話,其實啲人嘅態度已經有所改變。以前我哋好強調自己係香港人係因為我哋唔想俾人覺得我哋係大陸人。只不過有啲人嘅行為同大陸人無分別。點解香港人嘅質素會倒退咗呢?好多時其實都係因為教育嘅問題!

「蒙羞」

每次睇到有啲匪夷所思嘅新聞,我都係度諗其實點解香港人嘅質素會係咁。今日竟然話有三個九十後嘅女仔係台灣嘅上引水產市場偷咗啲貴價嘢食,而最特別嘅就應該係偷完嘢之後竟然係廁所入面享用啲海鮮。真係除咗講離晒大普之外,都唔知可以講啲乜。當然有時你可以話係個別例子,不過當嚟啲事件一次又一次發生嘅時候,其實其他人就會開始標籤我哋香港人。如果唔想被標籤,大家真係要注意下我哋係其他國家嘅行為。

「自我」

有時香港人就係咁,係香港就會話啲遊客嘅行為影響自己,但係當佢哋去到其他國家旅遊嘅時候,就覺得自己大晒。嚟個就係質素嘅問題!而近年見到嘅問題都係一班比較年輕嘅小朋友。咁其實係唔係因為依家嘅社會同教育而造成?我相信或多或少都會有關係,所以作為父母就真係要身體力行。希望過多幾年之後,大家仍然會覺得香港人係有質素,而唔會一聽到你來自香港就怕怕!


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]