做兄弟


個人分享
Tagged With: , , , , , , , , ,

「兄弟」

一個相識咗超過二十年嘅兄弟今日結婚,雖然近年大家喺唔同嘅地方工作,大家一年都未必見到一次,但係我好珍惜大家嘅友誼。好多嘢做兄弟嘅真係在心中!有時有啲嘢真係唔需要講大家就會明!今日係你結婚嘅大喜日子,除咗幫你做兄弟同恭喜你之外,當然希望可以幫你分擔下壓力同工作量,等你嘅嘅婚禮可以順順利利。如果今日有啲乜嘢做得唔好就真係多多包涵啦!

「結婚」

恭喜晒一對新人!望穿秋水終於等到你哋結婚嘅大日子!一世人無幾多兄弟,你結婚就當然兩脅插刀!希望你哋甜甜蜜蜜,開開心心,長長久久,永結同心,白頭到老。當然幫伯友催下你哋快啲生返個小朋友啦!真係大個仔啦,唔好淨係工作行先,有時間就陪多啲老婆啦!搵錢雖然緊要,但係錢搵唔晒嘅,要記住你有個老婆係屋企等你,抽多啲時間俾屋企啦!

「家人」

其實做兄弟嘅就當然係幫主角分擔不同嘅大少事務,等佢可以唔洗理其他嘢。結婚當日真係好多嘢要兼顧,不過最重要嘅除咗新人至外就係男家同女家嘅屋企人。不過無諗過伯母咁好記性,真係十幾年無見,但係仲記得我,真係佩服佩服!當然今日娶新抱最開心嘅就係世伯同伯母,因為我相信佢哋都等到頸都長。今日所有嘢都順順利利,真係托賴托賴。喺度再講一次,新婚快樂!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]