迪士尼

「香港」

去迪士尼做足準備,玩得開心至醒得你。其實香港迪士尼開咗咁多年,我都淨係去過兩次。對上個一次係老婆公司活動係迪士尼,之後唔記得咗點解可以入去。當然我從來都無去過其他地方嘅迪士尼,相信要就算會去都係等郭大少大啲先至會帶埋佢一齊去。不過至於香港嘅迪士尼,我哋一直都想等郭大少識行識走先至去迪士尼,因為太細個去嘅話,佢真係唔知發生乜嘢事。而近排有年票特價所以今日晏晝就決定同郭大少去玩!

「米奇」

今日終於帶咗郭大少去迪士尼玩,而且去整咗張年票,相信往後一年都會經常同佢去迪士尼!佢一去到門口就已經好興奮,因為見到個噴水池同米奇老鼠。而去到之後無幾耐就差唔多係花車巡遊,所以我哋就搵咗個位等啲迪士尼卡通人物出嚟。平時會走嚟走去嘅郭大少竟然全程坐定定係度,睇晒成個巡遊,真係非常難得。之後帶咗佢去咗睇米奇幻想曲不過佢睇睇下有啲驚,不過佢今日真係玩到好累,好快就瞓著咗。

「年表」

好多香港嘅家庭都會有迪士尼嘅年票,因為真係無乜地方俾啲小朋友放電。當然好多小朋友都好鍾意迪士尼啲卡通人物,包括郭大少啦。所以趁著有特價,可以將入場嘅門票升級做年票,我哋亦都把握機會買埋,因為去多幾次其實都係返到。最重要嘅係可以慢慢玩,一日玩唔晒唔緊要之後可以慢慢玩。就好似今日咁,淨係睇完花車巡遊,食少少嘢,去睇米奇幻想曲就一個晏晝,基本上淨係行咗迪士尼嘅入口就已經好攰。我諗以後無嘢做就會得閒無事走去行下。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]