返嚟啦


個人分享
Tagged With: , , , , , , , , ,

「疲倦」

有時帶著小朋友出去旅行真係唔知係好事定壞事,尤其係好似郭大少咁,鍾意走嚟走去,不斷搞破壞,最大鑊都係唔肯食嘢。所以有時同佢去旅行分分鐘真係辛苦過係屋企,不過都係開心嘅,等佢多啲地方走動下。就算未必記得佢自己去過邊,至少我哋記得佢嘅一點一滴。講真如果留低佢係香港搞到自己心掛掛,到時又係一樣會擔心佢係香港點。不過今次帶佢去咗睇好多嘢,亦都買咗嘢比佢做聖誕禮物。希望佢大個嘅時候睇返啲相會記得少少啦!

「玩完」

話咁快六日嘅九州之旅今日就完咗啦!真係有啲唔捨得,當然假期邊度會有人嫌多。唔覺唔覺今個旅程揸咗一千公里,遊走咗大半個九州。其實九州嘅風景真係好靚,尤其係當你一離開市區嘅範圍,周圍都係山脈同密密麻麻嘅森林。而今日無乜特別嘅行程,只係食咗個早餐然後就去行街買嘢,不過大部份嘅嘢都係買俾郭大少。我哋食完晏晝之後就同郭大少去咗隔離個遊戲機中心玩咗陣,然後買多少少嘢就去機場返香港!

「行街」

今朝第一站去嘅地方就係睇電器,因為老婆之前係溫泉酒店試過一把吹頭同梳嘅混合體,而老婆熱就鍾意咗所以就去咗一間賣電器嘅店舖去搵。但係日本嘅電壓同香港嘅唔同所以買電器之前真係睇下啱唔啱香港用,如果唔係返到香港先至發現電壓有問題就真係認真大鑊。之後就去咗西松屋睇下有冇嘢買俾郭大少,而其實話就話行街,點知到最後都係淨係掛住睇郭大少嘅嘢。不過今日最開心嘅就係去咗遊戲機中心入面有啲兒童設施,因為香港好似無嚟仲設施所以郭大少差啲玩到唔捨得走。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]