阿蘇山


個人分享
Tagged With: , , , , , , , , ,

「阿蘇」

係別府八地獄遇到一個香港家庭,佢哋啱啱去完阿蘇山,佢哋同我哋講本來因為地震而封閉咗嘅地方今日會開返。老婆話本來我哋淨係去一兩個景點因為去到阿蘇火山都無乜嘢可以睇,所以當聽到話阿蘇火山解封當然諗住可以去睇下。只不過無諗過落大雨,而且原本由湯布院去阿蘇山嘅行程亦都多咗半個頭先至到達。不過沿途景色真係好靚,一大片金黃色嘅平原,我諗如果天氣好嘅話會幾壯觀。不過唯有下次啦。

「路程」

九州第四日嘅行程首先就係食完早餐然後返去自己間房浸多次溫泉先至離開。今日天氣預測係會落雨,不過朝頭早就有少少陰天同出咗陣太陽。所以臨離開四季庵就當然要影下間合掌式嘅傳統大屋。之後我哋就出發去咗湯布院嘅金鱗湖,然後行咗陣街,買咗少少嘢,而中午過後就開始落雨,仲要越落越大。所以我哋決定揸車去下一站就係阿蘇山,不過去到仍然落雨所以乜嘢都睇唔到,然後就去今晚嘅目的地!熊本市!

「熊本」

當然去到大觀峰嘅時候仲落緊雨,而且好大霧,所以唯有繼續行程。原本之後嘅阿蘇山嘅景點都要跳過晒,變咗直接去熊本市。不過無諗過一個鐘頭嘅車程變咗兩個鐘頭,因為入熊本市好多車,唔知發生乜事,真係塞車塞到暈,基本上成個晏晝被困係架車到。不過好彩我哋去到熊本市之後仲趕得切去到熊本熊個辦公室,而今日無得走嚟嘅郭大少就當然好興奮,因為成個晏晝無得四圍跑。熊本俾我想像中更加繁華,真係有少少似東京。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]