玩雪板


個人分享
Tagged With: , , , , , , , , ,

「滑雪」

香港今日終於似返啲冬天,但係其實我唔係一個鍾意冬天嘅人,因為我怕凍,所以我鍾意陽光與海灘多啲!不過最奇怪嘅係我以前好鍾意溜冰,而之後學識咗滑雪就經常去滑雪。不過我嫌滑雪麻煩,所以就走咗去玩雪板。如果啱啱學嘅話或者有啲難度,但係如果當你學識咗之後,我相信你都會愛上佢。不過返咗嚟香港咁多年真係無再去過滑雪,唔知幾時再有機會去,到時應該係同郭大少一齊去。唔知佢會唔會鐘意滑雪呢?

「運動」

滑雪真係會上癮,以前一到冬天當啲雪場一開就會去滑雪。不過當然最好之前幾日落過大雪,如果唔係就會變成滑冰多過滑雪。而玩雪板嘅技巧係有少少唔同,不過如果有玩開滑板嘅人應該好易上手。任何運動都會跌跌碰碰,而初學者就在所難免,我當然都唔例外。或者我鍾意有速度嘅運動,因為有種自由嘅感覺,而要高速控制雪板其實都好考體力。唔好以為滑雪唔會出汗,其實運動量好大,所以滑完雪係唔會覺得凍反而覺得好熱!

「雪板」

其實香港越嚟越多人玩雪板,無他嘅因為真係幾型。如果你未試過嘅話,下次你不妨去試下。不過我諗我都未必記得點樣滑,因為真係好多年無玩過。就算再搵返我相信都要一啲時間適應。玩雪板最大嘅分別係兩隻腳都要固定係塊板上面,而且雪板係好靠人嘅重心去改變速度同方向,當你掌握到之後就可以玩更多嘅花式。滑雪有時都要一眼關七,尤其係人多嘅地方。所以滑雪第一樣嘢係要學識停同跌,如果唔係有時都會幾危險。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]