不顧而

「車位」

香港真係人多車多,有時真心覺得啲舊式停車場啲位真係好鬼窄。所以我鍾意揸啲細車仔,因為就算個啲位窄啲都有機會泊到架車入去。有時啲停車場真係架車大少少都入唔到,或者要好辛苦好小心先至入到去。講真就算細車,有時泊到入去個位,但係真係開門都未必開得到。與此同時因為啲位好鬼窄,真係好驚啲人整花自己架車。所以好多人都會裝汽車攝錄器,但係講真影到又點?真係俾人整花咗嘅話都唔知點追究。

「心痛」

今日真係心都痛埋,因為出咗去一陣返到屋企停車場睇下架車,竟然被人撞花咗真係即刻爆粗!因為啱啱拎咗架新車都唔夠一個月就俾人整花。如果係自己整花都無咁嬲,因為自己衰無計,但係俾人整花咗仲要不顧而去真係離晒譜。如果真係少少嘢我都可以算數,不過今次真係花到入晒肉!雖然揸車就係咁,總會遇到啲咁嘅事,但係嚟啲撞完人哋架車之後又唔負責任嘅人真係要托出去打!真心希望嚟啲人無運行!

「責任」

講真啲人真係好無責任感,整花咗人哋架車無可能唔知。真係側側膊唔多覺咩?其實錢都係其次,但係講真架車新簇簇俾人咁攪一攪,乜嘢心機都無晒啦。而家拎去整又唔係,唔拎去整又唔係。真係揸咗咁多年車,返到嚟香港先至咁多嘢。以前係外國真係咁多年都無試過俾人整花架車,最多都係自己炒車。不過係香港揸架旅行車出街我都覺得有啲麻煩,好彩唔係七人車,如果唔係仲大鑊。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]