橡筋圈

「橡筋」

相信好多人都認識香港有個「橡筋樂團」,即係「RubberBand」,樂隊嘅標誌係一個圓圈入面有一個英文字母「R」,而圓圈嘅右上方再加上一個降音符,取其似英文字母「B」,組成「RB」嚟個代號,一般人將佢哋嘅標誌讀作「RB」或者「R Flat」。佢哋個標誌最先係首張大碟《Apollo 18》嘅封面出現。RubberBand 嚟個名字係嚟自「橡筋」,取其可以將物件連結一齊,同時具高度彈性之意。

「樂隊」

而家香港嘅樂壇真係無乜有知名度嘅樂隊組合,不過自己就比較鍾意「RubberBand」因為佢哋做嘅每一首歌都好有意思。當然大部份嘅人都會記得「六號」因為佢係主音,而另一個係「泥鯭」因為佢個樣有少少似「林海峰」。今晚好多謝一位朋友嘅演唱會飛,所以就同老婆去咗睇佢哋嘅演唱會。因為表演嘅場地係旺角「麥花臣場館」而唔係傳統嘅「紅磡体育館館」,感覺同其他嘅演唱會好唔同。不過睇現場真係好正!希望佢哋繼續創作更多嘅本地音樂!

「呢度」

其實「呢度」即係「邊度」,香港係我哋嘅屋企,所以「呢度」係屬於我哋香港人嘅。其實佢哋嘅好多歌好有意思,唔知大家有無聽過?如果有你最鐘意邊一首呢?係演唱會之前,佢哋拍攝咗一系列嘅《呢度講。呢度散》,而當中亦都有好多訊息。當然其中有我最鍾意嘅林海峰份啦!佢用「橡筋」有時拉得太緊都要比佢鬆下作為一個比喻。因為人生就係咁,有時係要「緊」有時係要「鬆」。香港過去幾年都好「緊」而大家應該「鬆一鬆」,「抖一抖」。「橡筋」拉得太緊仲有斷嘅一日,所以有時係需要「鬆一鬆」!


Also published on Medium.

Comments are closed.