選委會


個人分享
Tagged With: , , , , , , , , ,

「選委」

香港嘅特首係由一個一千二百人組成嘅選委會通過投票而決定邊個會成為香港嘅特首。就係因為咁香港嘅特首唔係一人一票選出嚟,而係由功能界別嘅選民,投票選出代表佢哋嘅委員去投票,因此被喻為小圈子選舉。正正因為咁,作為一個功能組別嘅選民就更加應該去投票俾代表自己業界嘅委員。不過過去咁多年好多人都唔知佢哋有得投票,甚至乎覺得投嚟都無用。不過如果自己有票都唔投,點樣對得住自己嘅下一代?就算好難去改變都好,最起碼自己盡咗本份!

「特首」

雖然今日對於好多人來講或者無乜意義,因為今日係選委會選舉,而好多人都唔係功能組別嘅選民,所以無得投票。就算前幾日梁振英話選擇唔角逐連任,而今日仲未知道仲有幾多人會出嚟競逐下一任特首,但係咁做唔代表唔去投票。而事實再一次證明今次嘅選委會選舉應該係歷年最多人投票,因為大家都不滿香港嘅現狀,亦都希望下一任嘅特首會比梁振英好。不過到最後當然都係一個由一千二百人組成嘅選委會去決定,所以只係希望揀個相對好少少嘅做特首。

「下任」

好多人都話六八九唔競逐連任係好事,但係最令人擔憂嘅係邊個會出嚟參選。如果真係葉劉嘅話,我諗情況唔俾依家好,因為相信佢一定會推行實施二十三條。以至於林鄭,佢之前話唔會參選,但係當梁振英話唔角逐嘅時候,佢又話積極考慮。咁即係點?當然有啲人話希望財爺出嚟選,因為佢依家民望最高,但係點解感覺好似之前曾蔭權咁。都係嗰句,就算依家好似睇落幾好都無用,要真係做得好都真係要上咗場先知。所以點解要選啲自己業界信得過嗰啲去代表自己。


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]