命運係


個人分享
Tagged With: , , , , , , , , ,

「現實」

之前一直追緊「藍橘子」嘅散文【我是技安,我出席了大雄的葬禮】,而今日佢著埋大結局。當然到最後佢带出咗一個好值得探討嘅問題就係現實有好多嘢都係改變唔到,但係人嘅本質係可以。雖然係現實社會我哋可以睇到好多人都會因為唔同嘅事而去改變自己,不過好與壞就真係見人見智。好多時有人話人定勝天,其實每個人嘅一生好似有好多嘢都係掌握係自己手入面,但係其實亦都有好多嘢都係身不由己,唔係話你想變就變!

「命運」

好多人都會講命運係咁就咁,係你嘅就係你嘅,唔係你嘅一世都唔係。而好多人都好執著自己嘅人生,經常話如果話如果再揀一次或者再做一次今日就會有唔同嘅結果。聽完就好似阿媽係女人同有早知無乞兒一樣,只不過無人會諗今日嘅自己係成就昨天嘅自己。你又點知如果之前嘅決定一定好啲?如果改變當初嘅決定,真係會好啲?事實係無人可以知道,所以每個人都係承擔緊自己所做嘅嘢同所作嘅每一個決定而帶來嘅結果。無人可以改變因果,嚟個就係命運!

「如果」

當然好多時我都會話路係自己行出嚟,但係亦都係因為命運如此,所以有時只係自己選擇行邊條路,而唔係結果。我相信因果,但係人就係咁,經常會講如果當時嘅決定唔係咁嘅話,今日應該會好啲。所以我經常會話,如果當初我真係讀到設計,今日我就未必做數據分析。如果當初我繼續讀大學,相信我就無咁多工作經驗。如果當初無選擇返嚟香港,我亦都唔會認識到我老婆同新咗個仔。如果繼續留係大公司工作,我今日就唔會有時間做自己鍾意嘅嘢。所以係度真係想同大家講,人生總有好多如果,但係無過去就無現在,因此都係唔好諗咁多舊時,珍惜現在,活在當下,事關嚟個係你嘅命運!


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]