不連任

「四年」

過去四年香港真係變咗好多,由四年前嘅特首選舉開始就已經知道依家個位特首唔慌係好嘢,當然時間證明咗佢做特首有幾大鑊。老實講真係每次鑊鑊新鮮鑊鑊金,越搞越大單嘢。好啦終於捱到佢嘅任期屆滿,出年就係特首選舉,今個星期就係選委會選舉,而好多政團都以踢走梁振英為政綱,因為如果佢再做多四年香港真係無法想像會變成點!當然最近有好多疑似參選人話有機會出嚟參選,但係到嚟一刻都仲未宣佈。所以究竟邊個會係下一個香港特首真係好難估!

「特首」

今日特首梁振英終於出嚟話唔再競逐連任,當然好多人會覺得好開心因為過去四年真係搞到香港一塌糊塗。只不過佢個原因有啲匪夷所思,因為佢話要照顧屋企,如果真係點解唔早啲呢?當然依家佢話唔連任,咁究竟仲有邊個人會參選下屆特首?我相信都要過多一排先至知道。不過其實佢係唔係特登玩嘢?因為仲有兩日就係選委會選舉,好多嘅政綱都係話要踢走佢,咁而家點?佢唔踢都自己走,咁係唔係要改改政綱?

「未知」

雖然梁振英選擇唔連任,但係其實係唔係有更好嘅人選呢?老實講如果佢真係做得好,應該都會俾佢連任。如果真係家庭原因,選咗之後好似以前董建華咁,任期未屆滿辭職囉。不過依家真係有太多未知之數,因為第一唔知會有幾多人會去參選。第二就係如果好似當年曾蔭權選特首咁,佢高民望雖然高,但係最後又係令大家失望。不過點都好依家最起碼唔係梁振英,但係大家都唔好太好心,因為下個特首係點都未知!


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]