睇手機


個人分享
Tagged With: , , , , , , , , ,

「屏幕」

今時今日十個九個人都會係低頭族,我哋每日嘅生活彷彿只剩下一個細小嘅屏幕。依家出去食飯多數見到嘅情況都係每個人自己揸住自己部電話,一係就睇新聞,一係睇睇短訊,一係就打緊機。依家如果啲人發短訊俾你好似奉旨你一定會睇到,一定要立刻回覆。老實講究竟科技係拉近人與人之間嘅距離定係令將人與人之間嘅距離拉開呢?依家啲電話唔係用嚟打而真係用嚟睇!

「手機」

自從郭大少出咗世之後,真係覺得自己越嚟越少用手機,除咗我哋唔想佢咁早接觸手機同變成電子奶咀之外,照顧一個小朋友真係無時間同手去揸住部電話。依家用手機最多嘅應該係用嚟影相同拍片,因為有時唔會下下帶部相機出街,所以手機就變成主要嘅攝影器材。其實人與人之間係需要溝通,尤其係小朋友,所以同郭大少返學係一件幾開心嘅事,因為全程唔會拎部電話出嚟,可以完完全全享受親子樂!

「忽略」

當然要完全唔用手機係有啲困難,因為自己嘅工作係無可能唔上網。但係有時我都覺得依家大家淨係每分每秒都淨係對住部手機而忽略咗身邊好多嘢。仲記得我嫲嫲講過,你哋依家成日影相但係又唔曬返啲相俾佢睇,咁影咁多相嚟仲乜。諗返又係喎,因為佢哋嘅手機真係攞嚟打電話,而我哋嘅手機係攞嚟睇。所以有時大家都應該分下場合,幾時應該睇手機,幾時唔應該睇手機。人與人之間嘅關係唔係靠手機嚟維繫嘅!


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]