轉職業


個人分享
Tagged With: , , , , , , , , ,

「志願」

細個嘅時候,相信好多人都會有一份功課就係要寫「我的志願」。一般大家都會寫自己大個咗之後想做啲乜嘢工作,而當時我如果無記錯嘅話,我應該係寫我想做消防員。唔好問我點解,因為我自己都唔知!或者係因為每日返學搭校車到會經過消防局嘅原因,不過真係唔記得。而到咗中學嘅時候,我希望成為一位建築師,但係當聽到要讀四年半嘅大學再加上好多時都要通宵做功課嘅時候,我再一次諗我出嚟應該做乜!

「職業」

去到高中嘅時候因為機緣巧合接觸咗平面設計嚟個行業,本來一心入大學都係去收讀設計只不過到最後無法達成。所以之後就唯有自己去搵工希望繼續嚟個夢想。不過人生就係咁,誤打誤撞因為自己嘅興趣開始咗資訊科技嘅生涯。真係無諗過一做就做咗差唔多二十年,而咁多年都不斷嘗試唔同嘅工種。依家當然就專注數據分析,但係真係唔知幾時自己有會轉職業做其他嘢。唔知大家嘅職業係唔係自己細個嘅志願呢?

「技能」

依家真係好難打一份工超過十年,因為社會變得好快,就算你大學讀嘅專業,到咗出嚟做嘢有可能又係另一回事。今時今日嘅社會再唔係好似以前咁只係需要單一技能,好多時都要識得好多唔同範疇嘅技能。不過有兩樣嘢一定要識,就係寫程式同數據分析。點解?因為嚟兩樣技能可以係唔同嘅行業發揮唔同嘅作用。所以點解依家有咁多地方都推行小學開始培訓小朋友寫程式,當然我自己更加希望可以將數據分析都推行到小朋友身上!


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]