新海誠

「動畫」

有可能大家都係因為最近嘅一套日本動畫《你的名字》先至認識「新海誠」嚟位動畫家。因為過往大家一提到日本動畫一定會令你諗起動畫大師「宮崎峻」嘅出品。而《你的名字》已經分別打破咗《幽靈公主》同《哈爾移動城堡》嘅票房成為日本電影史上第二名。雖然相比起《千與千尋》嘅票房仲有一段距離,但係就已經令「新海誠」成為第二位達成百億日圓票房嘅日本動畫導演!

「日本」

今日終於有時間同老婆兩個去拍下拖睇新海誠嘅《你的名字》。雖然之前有好多人已經講緊嚟套動畫,但係一直都未睇所以仲未有平價。作為一個宮崎峻嘅粉絲,老實講《你的名字》嘅畫功真係好靚。同宮崎峻嘅動畫最大分別係個故事好容易令人代入,你唔需要太過用腦去諗同理解佢想帶出嘅訊息,而且節奏亦都比較快。所以就算之前宮崎峻嘅動畫都有類似嘅訊息,但係就比較難去理解。

「分別」

當然我睇動畫好多時都會睇畫功,而我個人認為有好多地方《你的名字》都比宮崎峻嘅好。雖然兩者嘅製作方法一定有唔同,但係除咗靚之外,好多好細緻嘅位都做得好出色。其實入面好多訊息都係宮崎峻嘅過往嘅電影出現過,只不過好多人真係唔會翻睇再翻睇去研究佢入面嘅訊息,嚟一點係新海誠處理得比較好嘅地方。真係好期待佢之後嘅大作,我相信今次《你的名字》嘅成績會大大加強佢嘅信心。不過我依然會係宮崎峻嘅忠實粉絲。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]