藍橘子


個人分享
Tagged With: , , , , , , , , ,

「叮噹」

相信大家都會對「叮噹」嚟套卡通片好熟悉,而依家嘅小朋友都應該叫「多啦A夢」!每個小朋友都希望有叮噹個百寶袋,因為入面有唔同嘅法寶,而對於我哋嚟班七八十後,叮噹係大家嘅童年集體嘅回憶。我哋仍然停留係:叮噹,大雄,技安,阿福,靜宜嘅年代,因為真係聽唔慣依家稱呼佢哋為:多啦A夢,大雄,胖虎,小夫,靜香。對好多人嚟講「叮噹」係無結局,因為「叮噹」係一個唔會完嘅故仔!

「技安」

唔知最近有幾多人睇過係網上有一位作家「藍橘子」寫嘅嘅一篇散文『我是技安,我出席了大雄的葬禮』,雖然仲未大結局,但係佢用「叮噹」作為故事背景而反映依家嘅社會問題真係幾特別。當然「叮噹」嘅號召力非常驚人,而佢嘅標題亦都好吸引人注意。單單係佢出咗第一篇文章之後就已經帶嚟好多迴響。如果大家都有興趣知道嚟篇散文嘅結局,不妨快啲睇返已經發佈咗嗰三集,因為應該好快就會去到大結局。

「結局」

相信大家都應該有睇過「叮噹」嘅大結局,而「叮噹」其實有幾多個結局?邊個先至係真正嘅結局,我諗每個人都唔一樣。「藍橘子」嚟篇散文真係寫得唔錯。「叮噹」雖然有好多法寶,但係現實歸現實,就算知道將來發生嘅事咁又點?就算你竭盡所能希望去改變不如意嘅結果,其實有好多嘢都係無法改變。人生好多時就係咁,當你越嚟越大嘅時候,慢慢你就會因為身邊嘅事物,改變自己嘅價值觀。有時做人真係簡單啲好!

藍橘子:
https://www.facebook.com/BlueGodZi/


Also published on Medium.

Comments are closed.