被歧視


個人分享
Tagged With: , , , , , , , , ,

「歧視」

係世界上有好多人都會被歧視,甚至乎有啲人只係對某些事同物得一知半解嘅時候,就已經作出批評。就例如你係外國見到一個好似香港人,你想問路嘅時候,你會用廣東話定係英文?其實好多外國人都覺得黃皮膚就係華人,但係佢哋冇諗過嗰啲人有可能係移居當地多年華人嘅後代。而事實係到咗今時今日仲有好多唔同種類嘅歧視行為發生係我哋嘅社會入面,雖然有啲時候牽涉到一啲敏感問題,但係我哋係唔係應該尊重唔同背景嘅人呢?

「種族」

其實睇到條新聞好耐,但係一直無特登寫嚟件事。事源係關於《紐約時報》都市版副主編有一日被一位女士叫佢一家大細返回中國,但係事實係佢哋都係美國出世,係美國人,只不過佢哋係移居當地嘅華人後代。老實講而家已經係二零一六年,世界再唔係幾百幾千年前,人類要移居外地係一件好難嘅事。當然除咗種族歧視經常發生之外,係我哋身邊仲有好多大大小小嘅歧視問題。你有無被歧視過?所以我哋唔應該只憑外表就去批判別人!

「社會」

好多時我哋生活係主流社會都會俾某啲事同物影響我哋點樣去睇其他人。凡事都唔可以睇表面,因為有好多嘢都未必係大家以為咁樣。去批評別人嘅同時,其實自己有無自我檢討?如果自己都未做好自己嘅時候,咁點解又去批評其他人先呢?有時批評別人真係好容易,但係當自己係受害者嘅時候又會覺得有問題。依家大家已經生活係一個無國界嘅社會,其實只要大家唔好段章取義,我哋嘅社會係會變得更美好。所以大家批判別人嘅時候,首先要清楚事件嘅來龍去脈!


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]