聖誕樹

「聖誕」

就到聖誕就到聖誕,聖誕節就當然要準備聖誕樹,聖誕燈飾,聖誕禮物,等等。聖誕樹係聖誕節嘅一個傳統,而一般係外國都會用真嘅聖誕樹,因為地方大有地方擺,但係香港真係地方太細,所以好多人都會買啲人造樹去代替。有聖誕樹就點少得啲裝飾,而啲裝飾真係分分鐘仲貴過棵聖誕樹。而一般真嘅聖誕樹都係用松樹,所以如果屋企入面有一棵真嘅聖誕樹就自自然然有一陣陣松柏味。唔知大家又開始準備自己嘅聖誕樹未呢?

「裝飾」

一年嘅時間真係過得好快,仲有一個月多啲就到聖誕節。上年郭大少都係得嗰五個月大,今年就已經識行識走。我同老婆都希望聖誕節可以買棵真嘅聖誕樹返屋企做裝飾,但係之前住嗰度地方實在太細,就算一棵假嘅都擺唔落。不過搬咗之後地方大咗啲,所以決定今年去買棵真嘅返屋企等大家開心下。所以就上網搵香港邊度有得賣,當然不出所料係要去花墟買。人生總要任性一下,雖然知道唔係好環保,所以只此一次等老婆同郭大少有個不一樣嘅聖誕節!

「花墟」

當然第一次買真嘅聖誕樹真係唔知去邊度買,所以上網去睇下啲人去邊度搵。一係唔搵,原來香港都有好多人搵聖誕樹。不過大部份嘅人都會話去花墟買。所以上星期一家大細去咗睇,之後發現原來都唔係好多鋪頭有。當然屋企唔大,而且細嘅聖誕樹亦都唔多,不過最後都揀咗棵最細嘅返屋企。週末一家人又走咗去買裝飾,而今日都叫做整得七七八八,仲差啲燈飾未搞。不過郭大少一見到啲波波就忍唔住手去搞佢,睇怕我哋啲裝飾真係凶多吉少。哈哈!


Also published on Medium.

Comments are closed.

 
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]
  • 放閃日其實放閃係一個網絡嘅用語,主要係用嚟形容啲人係網上面炫耀自己。當中用得最多嘅係情侶之間互相公開自己嘅幸福同快樂,尤其係一啲單身人士搵到伴侶之後不斷發放相片炫耀自己嘅幸福。好多人會用閃光彈嚟形容,而回覆嘅通常係帶上黑超嘅表情符號,因為閃光彈好刺眼,所以要帶返副黑超擋一下啲耀眼嘅光芒!所以每逢情人節好多人都會通過唔同嘅渠道放閃! Also published on Medium. Click to share on Facebook [...]
  • 數據先好多公司都會有唔同嘅數據,但係到最後仍然解答唔到一啲商業上嘅問題。原因其實唔係出於數據,而係無人去設計點樣收集數據。就算有數據都唔知啲數係啲乜嘢情況下收集返嚟。最終導致啲數據無法解釋日常業務嘅問題!可多公司都低估咗收集同分析數據所需要嘅人力以及資源,通常都係到咗分析嗰一刻先至發現問題。所以點樣收集數據係緊要過點樣分析數據! Also published on Medium. Click to share on Facebook [...]
  • 被截停當然警察如果遇到或者發現可疑嘅車輛係有權利去截停佢,但係只不過如果因為要截停可疑嘅車輛所導致嘅傷亡係唔係有必要呢?其實係好幾年前香港警察曾經截停路面嘅私家車做路障,希望截停可疑車輛而導致安份守己嘅市民有性命財產嘅損失。而近日亦有類似「人肉路障」嘅事件發生,今次就導致兩死五人受傷。老實講點解要市民用自己嘅性命同財產去幫你截停可疑車輛先? Also published on Medium. Click to share on Facebook [...]