人一世


個人分享
Tagged With: , , , , , , , , ,

「選擇」

每個人都有權選擇自己嘅人生,條路點樣行係有得揀,所以點解要跟從主流社會嘅規限?有名,有利,有權,有勢,係好多人嘅人生指標。但係咁就代表你嘅人生就係精彩?如果你嚟刻問我嘅話,其實反而簡簡單單同身邊人一齊到老,睇住自己個仔長大成人就已經好足夠。當然仲有好多嘢未試過,希望係有生之年可以將自己想試,想做嘅嘢都可以做到啦。不過都真係有好多嘢,而有啲係要同老婆一齊去達成先至有意思!

「人生」

正所謂人一世物一世,當然乜嘢都要試下,唔好樣樣嘢都怕失敗,唔敢嘗試。雖然每個人始終都會去到同一個終點,而人生唔係得一條路,所以點解唔可以將自己抽離所謂嘅社會嘅傳統價值同觀念呢?通常人生頭十幾二十年大部份嘅時間都係父母幫忙去決定,不過當自己要為人生開始負責任嘅時候,點解唔多作嘗試?每個人都應該係享受人生,只不過好多時大家都係要為咗生活,所以要活得自在,其實應該由自身開始。

「教育」

每次同一啲朋友講起依家嘅社會問題都會講到一點,就係教育問題!點解?因為依家嘅教育已經好似無咗教育本身嘅原意,事關教育唔係倒模式咁將人類嘅智慧直接灌輸俾下一代,而係透過發問,探索,思考,去啟發人生。如果係人生最重要嘅階段都唔鼓勵佢哋去嘗試,其實當佢哋長大成人嘅時候就唔敢去嘗試。咁人類仲會有進步咩?人生本來就係咩嘢都要試下,啱又點唔啱又點?每個人都應該有自己嘅人生,何必要俾主流社會去主宰自己嘅人生?


Also published on Medium.

Comments are closed.

 
  • 儀錶板儀錶板嘅作用係將有用嘅數據呈現出嚟。有好多公司會用嚟監測日常業務,而要有效利用儀錶板首先就要定義佢嘅目的。就好似天文數據一樣,大家都想知道當日最高與最低嘅溫度。嚟個係一個實例,不過要有效咁決定呈現乜嘢數據,最緊要知道數據背後嘅意義同目的。如果儀錶板上面呈現一啲對工作毫無價值嘅數字,咁儀錶板就失去佢嘅意義。 Also published on Medium. Click to share on Facebook [...]
  • 被監控數據係一面雙刃刀,如果用得其所係可以改變世界,但係亦都可以好恐怖。科技嘅發展將大部份嘅設施電子化同網絡化,因此從中可以取得大量嘅數據。如果再加上人工識別功能嘅話,基本上無時無刻你都會被監控。當然咁樣係會觸發私問題,只不過即使你住係一個荒島,其實某程度上都有機會俾人搵到。如果唔想俾人搵到嘅話,分分鐘真係要搵個地下深淵先至得。 Also published on Medium. Click to share on Facebook [...]
  • 新聞業相信傳統新聞業俾人一個感覺就係一個好快俾人淘汰嘅行業,由其依家嚟個世代新聞嘅價值係啲乜,值幾多錢?而家個個都可以拎住部手機上網睇新聞,傳統報紙嘅價值變得越嚟越唔值錢。咁係唔係代表新聞無價值?當然並非如此,只不過要轉型,用一個唔同嘅方法再去令到新聞有返佢應有嘅價值。與此同時要改變大眾嘅消費新聞嘅模式,因為新聞係有價值而唔係免費! Also published on Medium. Click to share on Facebook [...]
  • 十年了不經不覺已經離開咗大公司十年。究竟自己用咗十年做咗啲乜?如果問心當然理想與現實不相符。有無浪費咗十年?其實又真係好難去量度。十年入面有無成長?或多或少都有啲,當然相比之下的確問慢咗好多!其實過去十年每年都總係有啲嘢發生,忙忙碌碌咁又過一年。自己俾自己嘅期限亦都所剩無幾,雖然人生好難計算,只係又到咗人生交叉點嘅時候。 Also published on Medium. Click to share on Facebook [...]