有幾老


個人分享
Tagged With: , , , , , , , , ,

「好老」
真係唔經唔覺自己嘅網齡已經超過二十年,真係無諗過一個嗜好變成自己嘅職業。過去二十幾年網絡真係陪伴我左右,仲記得二十年前自己突然想學寫網頁,所以就慢慢係網上面學,嗰陣時嘅網站真係好簡單,因為得字同圖。而且速度真係慢到無人有,但係邊樹有人估到二十幾年後嘅今日科技會發展得咁快。而家自己諗返都覺得自己好鬼老,依家啲後生仔已經習慣有網絡嘅日子,同佢哋講舊時真係唔認老都唔得!
「冧巴」
如果你同我一樣係九十年代已經有得上網,唔相信好多人都會好懷念嗰陣時知道有朋友一齊上網嘅感覺。當然以前每個人都會有一個冧巴,不過就唔係電話冧巴而係某個通訊程式嘅用戶冧巴。不過隨著科技發展,基本上依家隨時隨地都可以上到網,所以邊度需要知道朋友有無上網。唔知仲有幾多人仲記得自己嘅冧巴呢?你係五個位?六個位?七個位?如果大家記得嘅話,不如大家又分享下自己嘅冧巴?
「改變」
網絡改變咗好多人嘅生活,而且網絡改變世界嘅營運模式。當自己親身經歷網絡世界嘅改變,其實都幾得意。前幾日睇返當年幫自己中學寫嘅網站,自己膽粗粗寫咗封電郵俾當時嘅專家評分。不過當年完全無諗過自己會投身資訊科技嚟個行業,而且無諗過當年竟然係幫人設計網頁而第一次創業。而家嘅科技真係日新月異,發展得太快,有時真係唔認老都唔得,因為真係跟唔上好多嘅新科技。


Also published on Medium.

Comments are closed.

 
  • 暖化中全球暖化問係越嚟越嚴重,好多時睇新聞都會用百年一遇嚟形容不同嘅極端天氣。好多人都會覺得全球暖化關自己咩嘢事,甚至乎覺得唔會影響到自己。所以無人會理會我哋生活緊嘅地球其實已經病入膏肓。仲以為有生之年唔會有問題?咁就大錯特錯!如果北極圈嘅氣溫可以達到三十度,咁你諗下啲冰會去晒邊?除咗水位上升之外,海水嘅鹽份降低,導致極端天氣越嚟越頻繁! Also published on Medium. Click to share on Facebook [...]
  • 盧凱彤其實睇到新聞嘅時候真係好呀愕然,起初以為自己睇錯,但係當不同嘅媒體都開始報導嘅時候就知道佢真係離開咗。盧凱彤係一個我好欣賞嘅音樂人,好多時睇演唱會都會睇下係唔係佢彈結他。或者大家對佢嘅了解唔深,甚至乎佢唱過啲乜嘢歌或者患有燥鬱症都唔知。有時看似一切都正常,但係有時正常就正正係唔正常。你辛苦了!雖然係一個好難接受嘅事實,但係相信大家都會尊重你嘅決定同永遠記得你! Also published on Medium. Click to share on Facebook [...]
  • 三歲了眨下眼郭大少就已經三歲了,當然今日要同佢慶祝啦。一起身同佢去上音樂堂,之後就去咗啟德嘅一間親子餐廳玩,然後再飛入去迪士尼睇巡遊同玩咗陣,因為夜晚同屋企人食飯慶祝。依家啲小朋友真係幸福,不過都係希望佢有一個開心嘅生日啫!見到佢健健康康咁成長,每日燦爛嘅笑容,其實就已經好足夠。不過時間真係過得太快,由一個嬰兒搖身一變,變成一個小朋友! Also published on Medium. Click to share on Facebook [...]
  • 團年啦話咁快又一年,不過真係好想雞年快啲過,因為今年真係諸事不順。今年其實真係好大獲,因為之前去咗旅行,返到嚟又忙過不停,所以搞到無乜時間去準備新年嘢。想去買年花,但係睇極都睇唔啱,所以最終都係無買到任何年花。就連每年都會整嘅年糕都未得閒整,都係今日先知買齊所需要嘅材料,所以今晚應該又係要搞到好夜先至有得瞓覺。 Also published on Medium. Click to share on Facebook [...]